GPT-6 Astra ದಿಂದ ಚಾಲೆನೆಗೊಂಡ, ಎಲ್ಲವನ್ನೂ ನಿಭಾಯಿಸಲು ರೂಪಿಸಿದ ಅಸಾಧಾರಣ ಸಾಮರ್ಥ್ಯದ, ಸದಾ ಕಾರ್ಯನಿರತ ಏಜೆಂಟ್‌ಗಳು.
ನಿಮ್ಮ ಡಾಟ್ ಅನ್ನು ನಿಮ್ಮದೇ ಮತ್ತೊಂದು ಕೈ ಎಂದುಕೊಳ್ಳಿ. ಅದು ನಿಮ್ಮ ಕೆಲಸದ ವಿಧಾನವನ್ನು ಕಲಿತು, ಗಮನ ನೀಡಬೇಕಾದ ವಿಷಯಗಳನ್ನು ಗುರುತಿಸಿ, ತನ್ನದೇ ಕಂಪ್ಯೂಟರ್ ಬಳಸಿ ನಿಮ್ಮ ಪ್ರಾಜೆಕ್ಟ್‌ಗಳನ್ನು ಮುಂದುವರಿಸುತ್ತದೆ.
ನಿಮ್ಮ ChatGPT ನೆನಪಿನಲ್ಲಿರುವ ಸಂದರ್ಭದ ಮಾಹಿತಿಯೊಂದಿಗೆ ನಿಮ್ಮ ಡಾಟ್ ಕೆಲಸ ಪ್ರಾರಂಭಿಸುತ್ತದೆ. ಕೆಲಸಗಳನ್ನು ನಿರ್ವಹಿಸಲು ಅದು Codex ಮತ್ತು ನೀವು ಸಂಪರ್ಕಿಸಿದ ಪರಿಕರಗಳನ್ನು ಬಳಸುತ್ತದೆ. ಅದು ಯಾವ ಆ್ಯಪ್‌ಗಳನ್ನು ಪ್ರವೇಶಿಸಬಹುದು, ಯಾವುದಕ್ಕೆ ಗಮನ ಕೊಡಬೇಕು ಮತ್ತು ಕೆಲಸಗಳು ಹೇಗೆ ನಡೆಯಬೇಕೆಂದು ನೀವು ಆಯ್ಕೆಮಾಡುತ್ತೀರಿ.
ದೊಡ್ಡ ಪ್ರಾಜೆಕ್ಟ್ ಆಗಲಿ, ಚಿಕ್ಕ ಕೆಲಸವನ್ನಾಗಲಿ ವಹಿಸಿ, ನಿಮ್ಮ ಹೊರೆ ಕಡಿಮೆ ಮಾಡಿಕೊಳ್ಳಿ. ನಿಮ್ಮ ಡಾಟ್ ತಾನಾಗಿಯೇ ಮುಂದಿನ ಹಂತಗಳನ್ನು ನಿರ್ಧರಿಸಿ, ಸಂಭಾಷಣೆಗಳ ನಡುವೆಯೂ ಕೆಲಸ ಮುಂದುವರಿಸುತ್ತದೆ. ಪರಿಶೀಲಿಸಬೇಕಾದ ಕೆಲಸ ಮತ್ತು ನಿಮ್ಮ ವಿವೇಚನೆ ಅಗತ್ಯವಿರುವ ನಿರ್ಧಾರಗಳನ್ನು ಅದು ನಿಮ್ಮ ಮುಂದಿಡುತ್ತದೆ.
ನಿಮ್ಮ ಡಾಟ್ ಯಾವ ಕೆಲಸ ಮಾಡುತ್ತಿದೆ ಎಂದು ನೋಡಿ, ವಿವರಗಳನ್ನು ಪರಿಶೀಲಿಸಿ ಮತ್ತು ಪ್ರತಿಕ್ರಿಯೆ ನೀಡಿ. ಯಾವಾಗ ಬೇಕಾದರೂ ದಿಕ್ಕನ್ನು ಬದಲಿಸಿ ಅಥವಾ ವಿರಾಮಗೊಳಿಸಿ.
ನೀವು ಎಲ್ಲಿ ಕೆಲಸ ಮಾಡಿದರೂ ನಿಮ್ಮ ಡಾಟ್ ನೆರವಾಗಬಲ್ಲದು. ಅದರ ಅನುಮತಿಗಳನ್ನು ನೀವು ನಿರ್ವಹಿಸುತ್ತೀರಿ. ಅದು ಯಾವಾಗ ಸ್ವತಂತ್ರವಾಗಿ ಕೆಲಸ ಮಾಡಬಹುದು ಮತ್ತು ಯಾವಾಗ ನಿಮ್ಮ ಅನುಮೋದನೆ ಬೇಕು ಎಂಬುದನ್ನೂ ನೀವೇ ನಿರ್ಧರಿಸುತ್ತೀರಿ.
ನಿಮಗೆ ಮುಖ್ಯವಾದ ವಿಷಯಗಳಿಗೆ ಜೀವನದಲ್ಲಿ ಹೆಚ್ಚು ಅವಕಾಶ ಕಲ್ಪಿಸಲು ಡಾಟ್ಸ್ ನೆರವಾಗುತ್ತದೆ. ನಿಮ್ಮ ಕೆಲಸದಲ್ಲಿ ಅದು ಹೇಗೆ ನೆರವಾಗಬಹುದು ಎಂಬುದನ್ನು ತಿಳಿಯಿರಿ.
ಅನ್ವೇಷಿಸಿ
ನೀವು ಹೂಡಿಕೆದಾರರಿಗೆ ಇತ್ತೀಚಿನ ಮಾಹಿತಿ ನೀಡಲು ಸಿದ್ಧತೆ ನಡೆಸುತ್ತಿರುವ ಹಣಕಾಸು ಮುಖ್ಯಸ್ಥರು. ನಿಮ್ಮ ಡಾಟ್ ಉತ್ಪನ್ನದ ಬಳಕೆ ಮತ್ತು ಆದಾಯದ ಮೇಲೆ ನಿಗಾ ಇಟ್ಟು, ಬದಲಾವಣೆಗಳನ್ನು ಗುರುತಿಸಿ, ನಿಮ್ಮ ಪ್ರಸ್ತುತಿಯನ್ನು ನವೀಕರಿಸುತ್ತದೆ. ನಿಮ್ಮ ಒಪ್ಪಿಗೆಯೊಂದಿಗೆ, ಅದು ಇತ್ತೀಚಿನ ಅಂಕಿಅಂಶಗಳನ್ನು ನಿಮ್ಮ ತಂಡದೊಂದಿಗೆ ಹಂಚಿಕೊಂಡು, ಸಂಬಂಧಿತ ದಾಖಲೆಗಳನ್ನೂ ಅದಕ್ಕೆ ತಕ್ಕಂತೆ ಅಪ್‌ಡೇಟ್ ಮಾಡುತ್ತದೆ.
ಮಾರಾಟ ತಂಡದ ಮುಖ್ಯಸ್ಥರಿಗೆ, ದೊಡ್ಡ ಸಂಸ್ಥೆಯೊಂದಿಗಿನ ವ್ಯವಹಾರದಲ್ಲಿ ಹಲವು ತಾಂತ್ರಿಕ ವಿವರಗಳನ್ನು ನಿರ್ವಹಿಸಬೇಕಾಗುತ್ತದೆ. ನಿಮ್ಮ ಡಾಟ್ ಗ್ರಾಹಕರ ಅಗತ್ಯಗಳನ್ನು ಇಮೇಲ್‌ಗಳು ಮತ್ತು ಉತ್ಪನ್ನದ ಡಾಕ್ಯುಮೆಂಟ್‌ಗಳೊಂದಿಗೆ ಹೋಲಿಸಿ, ಪರೀಕ್ಷಿಸಬೇಕಾದ ಅಂಶಗಳನ್ನು ಗುರುತಿಸಿ, ಅಪ್‌ಡೇಟ್ ಮಾಡಿದ ಮೌಲ್ಯಮಾಪನದ ಯೋಜನೆಯನ್ನು ಪರಿಶೀಲನೆಗೆ ಸಿದ್ಧಪಡಿಸುತ್ತದೆ.
ಎಂಜಿನಿಯರ್ ಆಗಿ, ಒಂದು API ಸ್ಥಗಿತಗೊಳ್ಳುವ ಮೊದಲು ನಿಮ್ಮ ಕಂಪನಿಯ ಎಲ್ಲಾ ಸೇವೆಗಳನ್ನು ಅದರಿಂದ ಬೇರೆಡೆಗೆ ಸ್ಥಳಾಂತರಿಸಬೇಕಿದೆ. ನಿಮ್ಮ ಡಾಟ್ ಅವಲಂಬನೆಗಳನ್ನು ಗುರುತಿಸಿ, ಎಂಜಿನಿಯರ್‌ಗಳ ಪರಿಶೀಲನೆಗೆ ಕೋಡ್ ಮತ್ತು ಪರೀಕ್ಷೆಗಳನ್ನು ಸಿದ್ಧಪಡಿಸುತ್ತದೆ. ಆ API ಗೆ ಹೋಗುವ ಕರೆಗಳ ಸಂಖ್ಯೆ ಶೂನ್ಯವಾಗುವವರೆಗೆ ನಿಗಾ ಇಡುತ್ತದೆ.
ನೀವು ಆ್ಯಪ್ ನಿರ್ಮಿಸುತ್ತಿರುವ ಡೆವಲಪರ್ ಆಗಿದ್ದೀರಿ. ನಿಮ್ಮ ಡಾಟ್ ಗ್ರಾಹಕರ ಪ್ರತಿಕ್ರಿಯೆಗಳಲ್ಲಿ ಬರುವ ವಿನಂತಿಗಳನ್ನು ಗಮನಿಸಿ, ಸುಧಾರಣೆಗಳ ವ್ಯಾಪ್ತಿಯನ್ನು ನಿಗದಿಪಡಿಸಿ, ರೂಪಿಸಿ, ಪರೀಕ್ಷಿಸುತ್ತದೆ. ಆ ಸಣ್ಣ ತಿದ್ದುಪಡಿಗಳ ಕೆಲಸ ಮುಂದುವರಿಯುತ್ತಿರುವಾಗ, ನೀವು ಮುಂದಿನ ಪ್ರಮುಖ ವೈಶಿಷ್ಟ್ಯವನ್ನು ನಿರ್ಮಿಸುತ್ತಿರಬಹುದು.
ನೀವು ವಿಷಯ ರಚನೆಕಾರರಾಗಿದ್ದರೆ, ನಿಮ್ಮ ಡಾಟ್ ನಿಮ್ಮ ಶೈಲಿ ಮತ್ತು ಪ್ರೇಕ್ಷಕರನ್ನು ಅರಿತುಕೊಂಡು, ಸಂದರ್ಶನದಿಂದ ತುಣುಕುಗಳನ್ನು ಆಯ್ಕೆಮಾಡಿ, ನಿಮ್ಮ ಅನುಮೋದನೆಗಾಗಿ ಕಾರ್ಯಕ್ರಮದ ಟಿಪ್ಪಣಿಗಳು ಮತ್ತು ಸಾಮಾಜಿಕ ಮಾಧ್ಯಮ ಪೋಸ್ಟ್‌ಗಳ ಡ್ರಾಫ್ಟ್‌ಗಳನ್ನು ಸಿದ್ಧಪಡಿಸುತ್ತದೆ. ಅದು ನಿಮ್ಮ ತಿದ್ದುಪಡಿಗಳನ್ನು ಎಲ್ಲಾ ಸಂಬಂಧಿತ ವಿಷಯಗಳಿಗೂ ಅನ್ವಯಿಸಿ, ಯಾವುದು ಪ್ರೇಕ್ಷಕರ ಮನಸೆಳೆಯುತ್ತದೆ ಎಂಬುದನ್ನು ಕಲಿತು ಮುಂದಿನ ರಚನೆಗಳನ್ನು ಸುಧಾರಿಸುತ್ತದೆ.
ಡಾಟ್ಸ್ ನಮ್ಮ ಉದ್ದೇಶಗಳಿಗೆ ಅತ್ಯಂತ ಹೊಂದಿಕೆಯಾಗುವ GPT-6 Astra ಮಾಡೆಲ್‌ನಲ್ಲಿ ಕಾರ್ಯನಿರ್ವಹಿಸುತ್ತದೆ. ಸುರಕ್ಷತೆ ಮತ್ತು ಗೌಪ್ಯತೆಯ ರಕ್ಷಣೆಗಳು ಡೀಫಾಲ್ಟ್ ಆಗಿ ಸಕ್ರಿಯವಾಗಿರುತ್ತವೆ.
ದುರುದ್ದೇಶಪೂರಿತ ಸೂಚನೆಗಳಿಂದ ರಕ್ಷಿಸಲು ಮತ್ತು ಹಾನಿಕಾರಕವಾಗಬಹುದಾದ ವರ್ತನೆಯ ಮೇಲೆ ನಿಗಾ ಇಡಲು ನೆರವಾಗುವ ಸುರಕ್ಷತಾ ಕ್ರಮಗಳ ಮೂಲಕ ಡಾಟ್ಸ್, ChatGPT ಯ ರಕ್ಷಣೆಗಳನ್ನು ಮತ್ತಷ್ಟು ಬಲಪಡಿಸುತ್ತದೆ.
ಡಾಟ್ಸ್ ತಮ್ಮದೇ ಕ್ಲೌಡ್ ಕಂಪ್ಯೂಟರ್‌ಗಳಲ್ಲಿ ಕೆಲಸ ಮಾಡುತ್ತವೆ. ಯಾವ ಆ್ಯಪ್‌ಗಳನ್ನು ಸಂಪರ್ಕಿಸಬೇಕೆಂದು ಆಯ್ಕೆಮಾಡಿ, ಅವುಗಳ ಅನುಮತಿಗಳನ್ನು ನಿರ್ವಹಿಸಿ ಮತ್ತು ನಿಮ್ಮ ಕಂಪ್ಯೂಟರ್ ಅನ್ನು ಸಂಪರ್ಕಿಸಬೇಕೇ ಎಂದು ನಿರ್ಧರಿಸಿ. ನಿರ್ದಿಷ್ಟ ಕ್ರಮಗಳನ್ನು ಅನುಮತಿಸಲು, ಅನುಮೋದನೆ ಕಡ್ಡಾಯಗೊಳಿಸಲು ಅಥವಾ ನಿರ್ಬಂಧಿಸಲು ಕಸ್ಟಮ್ ನಿಯಮಗಳನ್ನು ಹೊಂದಿಸಿ.
ನಿಮ್ಮ ಖಾತೆಗಳ ಮೇಲೆ ಪರಿಣಾಮ ಬೀರಬಹುದಾದ ಅಥವಾ ಮಾಹಿತಿ ಹಂಚಿಕೊಳ್ಳುವ ಕ್ರಮಗಳು ಸ್ವಯಂ-ಪರಿಶೀಲನೆಗೆ ಒಳಪಡುತ್ತವೆ. ಅವುಗಳು ನಿಮ್ಮ ಸೂಚನೆಗಳು, ಕಸ್ಟಮ್ ನಿಯಮಗಳು ಮತ್ತು ಸುರಕ್ಷತಾ ಅಗತ್ಯಗಳಿಗೆ ಅನುಗುಣವಾಗಿವೆಯೇ ಎಂದು ಪರಿಶೀಲಿಸಲಾಗುತ್ತದೆ. ಕೆಲವಕ್ಕೆ ನಿಮ್ಮ ಅನುಮೋದನೆಯ ಅಗತ್ಯವಿದೆ. ಪಾಸ್‌ವರ್ಡ್ ಬದಲಿಸುವಂತಹ ಕ್ರಮಗಳನ್ನು ನೀವೇ ಕೈಗೊಳ್ಳಬೇಕು.
ಮೊದಲ ಮೀಟಿಂಗ್‌ನಿಂದ ಮನೆಬಾಗಿಲಿಗೆ ಬರುವ ರಾತ್ರಿಯ ಊಟದವರೆಗೆ, ನಿಮ್ಮ ದಿನಚರಿಯಲ್ಲಿ ಡಾಟ್ ಹೇಗೆ ನೆರವಾಗುತ್ತದೆ ಎಂಬುದನ್ನು ತಿಳಿಯಿರಿ.
ಮರಳಿ ಬರುವ ಗ್ರಾಹಕರ ಸಂಖ್ಯೆ ಇಳಿಯಲು ಕಾರಣವಾಗಿರಬಹುದಾದ ಅಂಶಗಳನ್ನು ನಿಮ್ಮ ಪ್ರಸ್ತುತಿಗೆ ಸೇರಿಸಿದ್ದೇನೆ. ನಾವು ಇನ್ನೂ ತಿಳಿದುಕೊಳ್ಳಬೇಕಾದ ವಿಷಯಗಳನ್ನು ಗುರುತಿಸಿ, ನೀವು ಪರಿಗಣಿಸಲು ಕೆಲವು ಆಯ್ಕೆಗಳನ್ನು ಸೇರಿಸಿದ್ದೇನೆ.
ಮರಳಿ ಬರುವ ಗ್ರಾಹಕರ ಸಂಖ್ಯೆ ಇಳಿಯಲು ಕಾರಣವಾಗಿರಬಹುದಾದ ಅಂಶಗಳನ್ನು ನಿಮ್ಮ ಪ್ರಸ್ತುತಿಗೆ ಸೇರಿಸಿದ್ದೇನೆ. ನಾವು ಇನ್ನೂ ತಿಳಿದುಕೊಳ್ಳಬೇಕಾದ ವಿಷಯಗಳನ್ನು ಗುರುತಿಸಿ, ನೀವು ಪರಿಗಣಿಸಲು ಕೆಲವು ಆಯ್ಕೆಗಳನ್ನು ಸೇರಿಸಿದ್ದೇನೆ.
ಕೆಲಸದಲ್ಲಿ
ಮಾರಾಟ ಹೆಚ್ಚಾಗಿದೆ, ಆದರೆ ಮರಳಿ ಬರುವ ಗ್ರಾಹಕರ ಸಂಖ್ಯೆ ಕಡಿಮೆಯಾಗಿದೆ. ನಿಮ್ಮ ಡಾಟ್ ಅಂಕಿಅಂಶಗಳನ್ನು ಗ್ರಾಹಕರ ಪ್ರತಿಕ್ರಿಯೆಯೊಂದಿಗೆ ಹೋಲಿಸಿ, ಏನು ಬದಲಾಗಿದೆ ಎಂದು ಪರಿಶೀಲಿಸಿ, ನಾಯಕತ್ವ ತಂಡಕ್ಕಾಗಿ ನಿಮ್ಮ ಪ್ರಸ್ತುತಿಯನ್ನು ಅಪ್‌ಡೇಟ್ ಮಾಡುತ್ತದೆ. ಹೊಸ ಅಂಕಿಅಂಶಗಳು ಬಂದಂತೆ, ಅದು ಎಲ್ಲವನ್ನೂ ಪ್ರಸ್ತುತವಾಗಿರಿಸುತ್ತದೆ.
ವೆಬ್, ಮೊಬೈಲ್ ಮತ್ತು ಡೆಸ್ಕ್‌ಟಾಪ್‌ನಲ್ಲಿ ChatGPT ಮೂಲಕ ನಿಮ್ಮ ಡಾಟ್‌ಗೆ ಸಂದೇಶ ಕಳುಹಿಸಿ ಅಥವಾ ಕರೆ ಮಾಡಿ. ಕೆಲಸ ಸಾಗುತ್ತಿರುವಾಗ ಹೊಸ ಮಾಹಿತಿ ಹಂಚಿಕೊಳ್ಳಿ, ಪ್ರಶ್ನೆಗಳನ್ನು ಕೇಳಿ ಅಥವಾ ದಿಕ್ಕನ್ನು ಬದಲಿಸಿ. ಯಾವುದಾದರೂ ವಿಷಯಕ್ಕೆ ನಿಮ್ಮ ಗಮನ ಬೇಕಾದಾಗ ಅದು ನಿಮ್ಮನ್ನು ಸಂಪರ್ಕಿಸುತ್ತದೆ.
ಮುಂದೆ ಬರಲಿವೆ: ಪಠ್ಯ ಸಂದೇಶಗಳು, ಸ್ಲ್ಯಾಕ್ ಮತ್ತು ಟೀಮ್ಸ್. ಸಂಭಾಷಣೆ ಬದಲಾದರೂ ಸಂದರ್ಭದ ಮಾಹಿತಿ ಮುಂದುವರಿಯುತ್ತದೆ.
ಸಂಭಾಷಣೆ ಪ್ರಾರಂಭಿಸಿ. ನೀವು ಬಿಡುವು ತೆಗೆದುಕೊಂಡರೂ ನಿಮ್ಮ ಡಾಟ್ ಕೆಲಸವನ್ನು ಮುಂದುವರಿಸುತ್ತದೆ.
ವೆಬ್, ಮೊಬೈಲ್ ಮತ್ತು ಡೆಸ್ಕ್‌ಟಾಪ್‌ನಲ್ಲಿನ ChatGPT ಯಲ್ಲಿ ಡಾಟ್ಸ್ ಅನ್ನು ಹಂತಹಂತವಾಗಿ ಪರಿಚಯಿಸಲಾಗುತ್ತಿದೆ. ಅರ್ಹ ಮಾರುಕಟ್ಟೆಗಳಲ್ಲಿ Pro, ಬಿಸಿನೆಸ್ ಪ್ರೀಮಿಯಂ ಮತ್ತು ಎಂಟರ್‌ಪ್ರೈಸ್ ಯೋಜನೆಗಳ ಮೂಲಕ ಈಗ ಪ್ರವೇಶ ಲಭ್ಯವಿದೆ. ವರ್ಕ್‌ಸ್ಪೇಸ್ ನಿರ್ವಾಹಕರು ಸಕ್ರಿಯಗೊಳಿಸಿದಾಗ ಎಂಟರ್‌ಪ್ರೈಸ್ ಬಳಕೆದಾರರು ಡಾಟ್ಸ್ ಅನ್ನು ಪ್ರಯತ್ನಿಸಬಹುದು.
