તમારો ડૉટ તમારી રીતે કામ કરે છે
તમારો ડૉટ તમારી ChatGPT મેમરીમાંથી મળતા સંદર્ભ સાથે શરૂઆત કરે છે. તે કાર્યો કરવા માટે Codex અને તમે જોડેલાં સાધનોનો ઉપયોગ કરે છે. તે કઈ ઍપ ઍક્સેસ કરી શકે, શેના પર ધ્યાન આપે અને કામ કઈ રીતે કરે તે તમે નક્કી કરો છો.
પ્રસ્તુત છે ડૉટ્સ
અસાધારણ રીતે સક્ષમ, હંમેશાં સક્રિય એજન્ટ, જે બધું સંભાળવા માટે બનેલા છે—GPT-6 Astra દ્વારા સંચાલિત.
ડૉટ્સ સાથે શરૂઆત કરોડૉટ્સ સાથે શરૂઆત કરો
તમારા ડૉટને તમારી ક્ષમતાના વિસ્તરણ તરીકે જુઓ. તે તમારી કામ કરવાની રીત શીખે છે, શેના પર ધ્યાન આપવું જરૂરી છે તે ઓળખે છે અને તમારા પ્રોજેક્ટ આગળ વધારવા પોતાનું કમ્પ્યુટર વાપરે છે.
તેને જવાબદારી સોંપો
કોઈ મોટો પ્રોજેક્ટ કે નાનું કામ સોંપીને તમારો બોજ હળવો કરો. તમારો ડૉટ જાતે પહેલ કરીને આગળનાં પગલાં નક્કી કરે છે અને વાતચીત વચ્ચે પણ કામ આગળ વધારતો રહે છે. તે સમીક્ષા માટે કામ અને તમારા વિવેકની જરૂર હોય તેવા નિર્ણયો તમારી સમક્ષ મૂકે છે.
નિયંત્રણ તમારા હાથમાં
તમારો ડૉટ શું કામ કરે છે તે જુઓ, વિગતોની સમીક્ષા કરો અને પ્રતિસાદ આપો. ગમે ત્યારે દિશા બદલો અથવા કામ થોભાવો.
તમારા ડૉટને કામકાજમાં સામેલ કરો
તમે જ્યાં પણ કામ કરો, તમારો ડૉટ મદદ કરી શકે છે. તેની પરવાનગીઓ તમે સંભાળો છો અને તે ક્યારે જાતે કામ કરી શકે કે ક્યારે તમારી મંજૂરી લે તે નક્કી કરો છો.
વેચાણ ટીમનો સંપર્ક કરો
વ્યસ્ત દિવસો માટે બનાવેલું
ડૉટ્સ તમને જીવનની અગત્યની બાબતો માટે વધુ સમય કાઢવામાં મદદ કરે છે. તમારા કામકાજમાં તે કેવી મદદ કરી શકે તે જાણો.
વધુ જાણો
તમારા પ્રોજેક્ટ પૂરા કરો
તમે નાણાં વિભાગના વડા છો અને રોકાણકારોને તાજી માહિતી આપવાની તૈયારી કરી રહ્યા છો. તમારો ડૉટ ઉત્પાદનના ઉપયોગ અને આવક પર નજર રાખે છે, ફેરફારો તરફ ધ્યાન દોરે છે અને તમારી પ્રસ્તુતિ અદ્યતન કરે છે. તમારી મંજૂરી મળતાં, તે તાજેતરના આંકડા તમારી ટીમ સાથે શેર કરે છે અને સંબંધિત સામગ્રીને પણ તે મુજબ અદ્યતન કરે છે.
તમારું ધ્યાન ભટકતું અટકાવો
વેચાણ વિભાગના વડા માટે, મોટી સંસ્થા સાથેના સોદામાં ઘણી તકનીકી વિગતો સામેલ હોય છે. તમારો ડૉટ ગ્રાહકની જરૂરિયાતો ઇમેઇલ અને ઉત્પાદનના દસ્તાવેજો સાથે સરખાવે છે, શું ચકાસવાની જરૂર છે તે દર્શાવે છે અને સમીક્ષા માટે અદ્યતન મૂલ્યાંકન યોજના તૈયાર કરે છે.
વિખરાયેલી વિગતો એકત્ર કરો
ઇજનેર તરીકે, તમારે એક API બંધ થાય તે પહેલાં તમારી કંપનીની સેવાઓને તેના પરથી અન્યત્ર ખસેડવાની જરૂર છે. તમારો ડૉટ પરસ્પર નિર્ભરતાઓનો નકશો બનાવે છે, ઇજનેરોની સમીક્ષા માટે કોડ અને પરીક્ષણો તૈયાર કરે છે અને બાકી રહેલા કૉલ શૂન્ય થાય ત્યાં સુધી તેમની ગણતરી પર નજર રાખે છે.
કામ આગળ વધતું રાખો
તમે ઍપ બનાવતા ડેવલપર છો. તમારો ડૉટ ગ્રાહકોના પ્રતિસાદમાં આવતી વિનંતીઓ પર નજર રાખે છે, પછી સુધારાનો વ્યાપ નક્કી કરીને તેને તૈયાર કરે છે અને ચકાસે છે. એ નાના સુધારાઓનું કામ આગળ વધતું રહે તે દરમિયાન તમે આગામી મોટી સુવિધા બનાવવાનું ચાલુ રાખી શકો છો.
તમારી કાર્યપ્રક્રિયાઓ સ્વચાલિત કરો
તમે સામગ્રી સર્જક હો તો તમારો ડૉટ તમારી શૈલી અને પ્રેક્ષકોને સમજે છે, ઇન્ટરવ્યૂમાંથી ક્લિપ બનાવવા યોગ્ય અંશો શોધે છે અને તમારી મંજૂરી માટે કાર્યક્રમની નોંધો અને સામાજિક માધ્યમની પોસ્ટના મુસદ્દા તૈયાર કરે છે. તે તમારા સુધારા બધી સંબંધિત સામગ્રીમાં લાગુ કરે છે અને આગળની સામગ્રી વધુ સારી બનાવવા માટે પ્રેક્ષકોને શું ગમે છે તે શીખે છે.
તમારા સાથી, તમારા નિયંત્રણમાં
ડૉટ્સ અમારા સૌથી વધુ માનવીય ઉદ્દેશો સાથે સુસંગત મોડલ GPT-6 Astra પર ચાલે છે, જેમાં સુરક્ષા અને ગોપનીયતાનાં રક્ષણો મૂળભૂત રીતે ચાલુ હોય છે.
અંતર્નિહિત સુરક્ષા
ડૉટ્સ, ChatGPTની સુરક્ષાને વધુ મજબૂત બનાવતાં એવા સુરક્ષા ઉપાયો ધરાવે છે, જે દુર્ભાવનાપૂર્ણ સૂચનાઓ સામે રક્ષણ આપવામાં મદદ કરે છે અને સંભવિત હાનિકારક વર્તન પર નજર રાખે છે.
તમે નક્કી કરેલી મર્યાદાઓ
ડૉટ્સ પોતાનાં ક્લાઉડ કમ્પ્યુટર પર કામ કરે છે. કઈ ઍપ જોડવી તે પસંદ કરો, તેમની પરવાનગીઓ સંભાળો અને તમારું કમ્પ્યુટર જોડવું કે નહીં તે નક્કી કરો. અમુક ક્રિયાઓને મંજૂરી આપવા, તે માટે મંજૂરી ફરજિયાત બનાવવા અથવા તેને રોકવા માટે કસ્ટમ નિયમો સેટ કરો.
મહત્વની તપાસ
તમારાંં એકાઉન્ટને અસર કરી શકે કે માહિતી શેર કરી શકે તેવી ક્રિયાઓની સ્વચાલિત સમીક્ષા થાય છે, જેમાં તમારી સૂચનાઓ, કસ્ટમ નિયમો અને સુરક્ષાની જરૂરિયાતોનું પાલન થાય છે કે નહીં તે તપાસાય છે. અમુક માટે તમારી મંજૂરી જરૂરી છે. પાસવર્ડ બદલવા જેવાં પગલાં તમારે જ લેવાનાં રહે છે.
તમારા ડૉટ સાથે એક દિવસ
દિવસની પહેલી બેઠકથી લઈને ઘરે પહોંચતા રાત્રિભોજન સુધી, તમારો ડૉટ તમારા દિવસનો ભાગ કેવી રીતે બને છે તે જાણો.
ફરી આવતા ગ્રાહકોની સંખ્યામાં ઘટાડાનાં સંભવિત કારણો તમારી પ્રસ્તુતિમાં ઉમેર્યાં છે. હજુ શું જાણવાનું બાકી છે તે દર્શાવ્યું છે અને તમારા વિચાર માટે થોડા વિકલ્પો ઉમેર્યા છે.
ફરી આવતા ગ્રાહકોની સંખ્યામાં ઘટાડાનાં સંભવિત કારણો તમારી પ્રસ્તુતિમાં ઉમેર્યાં છે. હજુ શું જાણવાનું બાકી છે તે દર્શાવ્યું છે અને તમારા વિચાર માટે થોડા વિકલ્પો ઉમેર્યા છે.
કામકાજમાં
તમારી આગામી પ્રસ્તુતિને પ્રભાવશાળી બનાવો
વેચાણ વધ્યું છે, પણ ફરી આવતા ગ્રાહકોની સંખ્યા ઘટી છે. તમારો ડૉટ આંકડાઓને ગ્રાહકોના પ્રતિસાદ સાથે સરખાવે છે, શું બદલાયું છે તે તપાસે છે અને નેતૃત્વ ટીમ માટેની તમારી પ્રસ્તુતિ અદ્યતન કરે છે. નવા આંકડા આવે તેમ તે બધું અદ્યતન રાખે છે.
જ્યાં જરૂર હોય ત્યાં હાજર
વેબ, મોબાઇલ અને ડેસ્કટૉપ પર ChatGPTમાં તમારા ડૉટને સંદેશો મોકલો અથવા કૉલ કરો. કામ આગળ વધે તેમ તાજી માહિતી શેર કરો, પ્રશ્નો પૂછો અથવા દિશા બદલો. કોઈ બાબતમાં તમારું ધ્યાન જરૂરી હોય ત્યારે તે તમારો સંપર્ક કરે છે.
આગળ આવી રહ્યું છે: ટેક્સ્ટ સંદેશા, સ્લૅક અને ટીમ્સ, જેમાં જુદી જુદી વાતચીતમાં સંદર્ભ જળવાઈ રહેશે.
ChatGPT
વાતચીત શરૂ કરો. તમે દૂર જાઓ પછી પણ તમારો ડૉટ કામ આગળ વધારતો રહે છે.
તમારો ડૉટ કેવી રીતે મેળવશો
વેબ, મોબાઇલ અને ડેસ્કટૉપ પર ChatGPTમાં ડૉટ્સ તબક્કાવાર ઉપલબ્ધ થઈ રહ્યા છે. પાત્ર બજારોમાં હવે Pro, Business Premium અને Enterprise પ્લાનમાં ઍક્સેસ ઉપલબ્ધ છે. Enterprise વપરાશકર્તાઓ તેમના વર્કસ્પેસના ઍડમિન દ્વારા સક્ષમ કરાય ત્યારે ડૉટ્સ અજમાવી શકે છે.
